影片
更多
2015-01-15
2212 浏览
之前冇睇到呢度啲comment就同老婆中咗上去，遭遇大概同前面啲樓主差唔多。叫咗兩個$208餐 (應該係6個餐裡面由最平數上排第4)，頭兩round係okay嘅，第三round就出事喇，先拎兩碟煙肉咁嘅物體出黎，兩碟嘢肥同肉嘅比例應達7:3 (根本直接叫肥膏仲貼切)。叫佢換，亞之亞jor一輪就先換返一碟正常嘅，然後隔成15分鐘出第二碟喇，呢碟仲堅，啲肉係睏咗啡邊而中間係粉紅色，十足十啲dry-aged beef咁。我就冇聽過有人用dry-aged嘅牛肉做火鍋喇，咁究竟間嘢點處理啲牛肉令佢變成有dry-aged嘅視覺效果呢，咁就不得而知喇。為咗條命仔著想，我最後都冇食到呢碟正嘢，亦都冇再order喇。其實都好明顯啦，你俾嘅錢係cover倒每人兩碟正常牛肉，再黎嗰啲就.......你睇相都見倒，誇張少少講啲肉切到真係薄過紙㗎。兩碟加埋有幾多? 閣下自己判斷喇。就睇呢度我都唔係第一個有類似經驗嘅人喇，仲試唔試得過? 都係自己諗啦……
其實都好明顯啦，你俾嘅錢係cover倒每人兩碟正常牛肉，再黎嗰啲就.......你睇相都見倒，誇張少少講啲肉切到真係薄過紙㗎。兩碟加埋有幾多? 閣下自己判斷喇。就睇呢度我都唔係第一個有類似經驗嘅人喇，仲試唔試得過? 都係自己諗啦……
题外话/补充资料：
1 好後悔冇幫兩碟肥膏影相，個種肥嘅程度真係連街市雪檔啲美國肥牛都做唔倒。
2 同老婆兩口子，一星期煮唔倒兩次飯。平時出街食晚飯，有平有貴，有好食有唔好食，但我都係第一次寫食評，無他，因為今次經驗真係冇得頂。
3 啲服務員好多廣東話都未講得正，建議主攻內地零團費購物團，唔駛俾90分鐘佢地，我諗啲枱45分鐘都夠turn over一轉。用國語同佢地講呢度供應嘅係 "乾式熟成牛肉"，可能佢地會好感動。
(以上食记乃用户个人意见 , 并不代表OpenRice之观点。)
张贴
