響日本燒肉 (已結業)

朋友帶我嚟呢間佢成日同老公拍拖嘅餐廳，銅鑼灣分店裝修真係唔錯，樓底夠高，全部都係卡位，夠晒空間感，枱枱有燒肉，都唔會侷促。我哋揀咗中間價位嘅放題set，睇中比之前嗰set多咗嘅幾款追加品，包括:澳洲和牛肉眼、薄炙澳洲和牛牛助肉、薄炙美國牛里脊肉、松葉蟹柳天婦羅等。我最鍾意澳洲和牛肉眼，油花分怖均勻，肉色澤亮麗，入口夠咬感，牛味豐富。朋友就話最愛薄炙澳洲和牛牛助肉，呢款白色油脂紋路比較多，燒嘅時候好惹火，😄要小心啲，入口油花四濺，非常Juicy！最後我哋食咗最愛嘅炸紫薯波波，即叫即炸，外皮非常香脆，內裏嘅紫薯軟滑，無可挑剔，必食之選。甜品方面仲可以任食movenpick 雪糕添👍🏻