更多
2020-02-23
1144 浏览
今日放工去咗尖沙咀買嘢,見最近自己工作咁辛苦就獎勵下自己,同男朋友去食呢間炉端金放題!呢度除咗有日式放題之外,仲有任食燒肉同埋多款酒類任飲!🔥自助飲品吧有清酒、梅酒、紅酒、白酒、生啤!啱晒鍾意飲酒嘅我哋!仲有多款罐裝飲品同埋熱茶!🔥刺身拼盤刺身方面好新鮮,其中最好食嘅係超肥美嘅三文魚腩同埋好滑嘅墨魚刺身!🔥壽司呢度最抵食嘅係有海膽軍艦同埋吞拿魚茸軍艦,兩款壽司都好新鮮!🔥枝豆、八爪魚仔呢兩款前菜用嚟送啤酒一流!🔥清酒煮蜆呢個清酒煮蜆幾高質,非常重清酒味,而且啲蜆都幾大粒,最重要係冇沙!🔥串燒呢度嘅串燒選擇好多,其中個人特別推薦食免治雞肉串同埋魚鮫,免治雞肉串d肉好冧,外面燒到脆脆地加埋燒汁好正!燒魚鮫d肉好嫰滑,燒得夠香脆!🔥安格斯牛柳粒好重牛肉味,加埋蒜頭味幾好食!🔥雞翼呢度有一個特別嘅地方,係佢有好多唔同味道嘅雞翼俾你揀,其實就係一隻炸雞翼然後淋上唔同嘅醬汁,啱晒鍾意食唔同口味雞翼嘅人!🔥天婦羅天婦羅都係即叫即炸,上枱嘅時候熱辣辣都要攤凍一陣先好食,最特別係佢有苦瓜天婦羅同埋秋葵天婦羅,食咗咁多肉都係時候食返啲菜!🔥燒肉燒肉係要另外加錢嘅,但我覺得係值得嘅,佢嘅肉都幾好味,其中厚切
🔥自助飲品吧
有清酒、梅酒、紅酒、白酒、生啤!啱晒鍾意飲酒嘅我哋!仲有多款罐裝飲品同埋熱茶!
🔥刺身拼盤
刺身方面好新鮮,其中最好食嘅係超肥美嘅三文魚腩同埋好滑嘅墨魚刺身!
🔥壽司
呢度最抵食嘅係有海膽軍艦同埋吞拿魚茸軍艦,兩款壽司都好新鮮!
🔥枝豆、八爪魚仔
呢兩款前菜用嚟送啤酒一流!
🔥清酒煮蜆
呢個清酒煮蜆幾高質,非常重清酒味,而且啲蜆都幾大粒,最重要係冇沙!
🔥串燒
呢度嘅串燒選擇好多,其中個人特別推薦食免治雞肉串同埋魚鮫,免治雞肉串d肉好冧,外面燒到脆脆地加埋燒汁好正!燒魚鮫d肉好嫰滑,燒得夠香脆!
🔥安格斯牛柳粒
好重牛肉味,加埋蒜頭味幾好食!
🔥雞翼
呢度有一個特別嘅地方,係佢有好多唔同味道嘅雞翼俾你揀,其實就係一隻炸雞翼然後淋上唔同嘅醬汁,啱晒鍾意食唔同口味雞翼嘅人!
🔥天婦羅
天婦羅都係即叫即炸,上枱嘅時候熱辣辣都要攤凍一陣先好食,最特別係佢有苦瓜天婦羅同埋秋葵天婦羅,食咗咁多肉都係時候食返啲菜!
🔥燒肉
燒肉係要另外加錢嘅,但我覺得係值得嘅,佢嘅肉都幾好味,其中厚切牛舌好有口感,食完仲想食多轉!可以一次過滿足你食日式放題再加燒肉嘅願望!
🔥任食雪糕
最後一定係要食返幾杯雪糕先至叫做圓滿啦!最正係有雪糕任食,有朱古力、雲呢拿、士多啤梨味!!仲有其他韓國雪糕!好滿足!
张贴