大滿屋日本料理 (已結業)

食放題大多數都係為左勁食刺身！見到呢個出晒煙既刺身船真係不得了！件件大大件，好有厚度，唔小器！當然有海膽既花之戀都唔能夠放過啦！要喪食喪食！三文魚同海膽既結合真係不得了！點估到放題食到壽喜燒，牛肉黎到個陣仲唔會老，上菜迅速，口感啱啱好！仲有最愛嘅天婦羅，天婦羅炸蝦外脆內軟，而且仲好爽口好彈牙！其他天婦羅都好出色，有埋個汁點又唔會太熱氣。再嚟就係日式串燒啦，蝦同翠玉瓜燒得啱啱好，唔會太乾！最重點嘅飲品櫃，入面有超多款揀囉，而且有好多樽裝飲品，仲有最新嘅嘢飲揀添！