大瀛喜日本料理 (已結業)

今日喺旺角想搵嘢食，近近地喺地鐵站附近，有一間放題係上樓嘅。然後佢啱啱裝修好，美輪美奐，就不如上去睇吓啦。入到去覺得裝修好靚，而且原來晏晝都幾多人，我諗今次冇黎錯喇掛。首先點嗰啲魚生試吓，員工反應好快，基本上落單5分鐘內都有嘢食送到黎。其他熟嘅食物就好似你見到圖入邊咁，款式豐富，而且外貌出眾。至於食物質素，我覺得同佢嘅價錢都相若。$200來講，佢都俾返足夠嘅質數我哋。當然唔係超級好，但係午餐來講，最重要可以食3小時，同朋友一路傾偈一路慢慢食，呢個先係重點。