板燒郎燒肉鐵板放題料理專門店 (已結業)

人類總是貪心的，想食放題又想食埋燒肉。呢度刺身選擇同平時差唔多，三文魚厚切、油甘魚肥美，蝦仲好爽口。火焰壽司就略為遜色，不過有海膽花之戀。燒物方面選擇就豐富好多啦。牛肉有和牛揀，仲有牛肋骨，牛仔骨等等，燒得香濃肉味又唔鞋。豬肉同雞肉都有幾種口味揀，有辛口、七味、芝士等等，有豬頸肉、豬仔骨、羊架、漢堡扒，味道同肉質都唔錯呢。熟物方面，鐵板燒牛仔骨好林身。炸物，有芝士年糕、吉列生蠔，香芋丸好正。唔夠喉仲可以+$88升級，仲有美國牛肋骨、松葉蟹腳、生蠔、泰式生蝦、赤蝦、劍魚腩。生蠔都幾鮮味，赤蝦大大隻爽爆。飲品方面，汽水果汁啤酒任飲，雪糕都有四隻口味揀。整體肉類刺身質素都不錯，幾岩食肉獸去試下。