極尚大瀛喜日本料理 (已結業)

​ 最近好忙，都好少出街食嘢，食親野都系揀放題，貪佢夠晒方便，唔使諗。 銅鑼灣呢間朋友講咗好多次，但係一直未有時間去食， 今次就食早場，平平哋食下放題，夜晚又唔洗咁肥。 咩都未食之前食刺身是常識吧，我最鍾意嘅就係帶子， 因為色澤唔錯而且口感爽口，甜味十足。 蝦就有普通甜蝦同埋珍寶赤蝦，鮮甜又爽口，各有各好味之處。 瑤柱鮮蝦肉粥（2人份量）又幾好味，夠晒入味而且啲粥比較稔， 有嗰啲蟹嘅鮮味，仲有啲甜甜地蟹肉可以食。 鐵板蒜片牛柳粒都算幾鬆化，蒜蓉味唔算太濃郁， 兩者混合一齊食都算唔錯。 鹽燒三文魚壽司真係好好味， 同埋新聞最近好似話三文魚有啲問題， 所以食熟食就安全得多。 燒有機新鮮菠蘿雖然燒得唔夠香，不過可以鎖住肉汁已經不錯； 燒有機日本番薯仔冇咩特別，間間都差唔多。 海膽手卷細細件，好似一件壽司咁， 唔會用飯質飽你，可以食多幾件！ 除了飲品多元化，最新的解綠茶都有， 仲有甜品櫃，雪糕櫃以及自助乳酪雪糕，太吸引女生了。