一鍋豐 (已結業)

今次同朋友約食打邊爐， 嚟到呢間位於旺角創興廣場嘅高品質火鍋放題餐廳， 雖然價錢比起同類任食火鍋貴少少但係質量絕對係有保證話說我哋大約七點左右嚟到餐廳， 門口已經人頭湧湧， 好彩我哋一早訂定位， 但係都要等咗五分鐘左右先至入得! 呢度嘅放題火鍋標榜用料上乘， 而且更加係紅酒白酒任飲， 仲有埋藍妹啤酒可以選擇， 鍾意飲酒嘅我哋當然係唔會錯過!女朋友熱愛番茄， 所以毫不猶豫就點咗蕃茄蜆湯底， 套餐選擇有象拔蚌既套餐。呢度除咗可以食火鍋放題外， 仲有刺身可以畀我哋選擇任食， 雖然刺身只係用一個平凡嘅竹碟裝住， 賣相平平無奇 ，但係味道就拍得住日本餐廳! 一啲都唔腥。送上湯底之後 店員馬上送上一個帶有像拔蚌嘅刺+身海鮮拼盤! 超大盤而且超新鮮， 象拔蚌輕輕放入湯底滾幾滾就非常鮮甜有口感! 鮑魚同魚片亦都係非常鮮甜，一啲都唔靭， 蠔既份量都十足!另一大賣點就係呢度可以品嘗到幾款唔同嘅牛肉， 雖然影相影出嚟賣相唔多討好， 但係牛嘅味道出奇好食， 唔會太肥而且好重口味! 所以點完再點咗幾次。雖然其他嘅食材食得唔算好多， 但係都係其他放題餐廳以上嘅質素， 餃子亦都非常好味， 蔬菜亦都非常新鮮!。最後食