東京一番 (已結業)

忙碌了一天，晚上約友去食餐好的獎賞一下自己也放鬆一下 繃緊的神經。可以慢活時且慢活是我處世其一的格言。今晚 朋友介紹去長沙灣食日式放題 星期三晚上 $198一位加一已覺得值一試 。去到店門前看到說在 facebook讚好另外全單有85折。 居然有這樣好嘅jetso，折實每人只需$189 於是我們三個興高采烈咁 入座。環境 還可以 座位闊落，放題嘅選擇亦都不少，先叫咗一個魚生船，水準幾好，看的新鮮，食來質感不錯，尤其是係甜蝦、榮螺。 除咗任點任食之外，仲有自助counter,有甜品，沙律，雪糕櫃吧。 這令我甜品控嘅朋友樂透了，好在的的色色，可逐款拿來試。 睇真D還有蟹粥老火湯，嘩，仲有清酒煮蜆，自己動手專揀肥美的來食個夠。 除咗魚生質量好之外，這裏壽司都不錯暖暖嘅飯醋味剛好，配上新鮮的魚生食材，好味，叫左各式各樣來試。小食方面黑松露粟米，松露味濃，食到停不了，拍青瓜也做得不錯，送酒最啱，那天飲3種酒梅酒、 青酒同德國啤酒。在開心的氛圍，啖美味，狂吹水中，很快便食，喝了二小時，二百元不到，值，可再來。