金撈老鴨湯刺身火鍋專門店 (已結業)

話說同事突然話要叫鴨，仲要係老鴨，真係令我有啲震驚，原來佢係話想食呢間餐廳~ 雖然話就話係佐敦，其實係唔近佐敦地鐵站，係近柯士甸或者油麻地站多啲嘅，不過都係揸車最方便第一步就緊係要揀咗湯底先啦，黎得呢到就緊係必試佢嘅鴨湯啦，所以我地就決定豪氣啲，嗌咗個金撈富貴老鴨湯(半隻)，由於仲會用呢個湯底打邊爐，所以就唔洗要一隻鴨咁多。呢個湯底究竟有幾富貴呢?就係用咗草蟲花、魚翅同鴨肉等熬製嘅湯，食法同雞煲一樣，先食咗鴨同飲咗湯，之後再打邊爐，員工好好人咁幫我地分湯，每一碗都有鴨肉、蟲草花同魚翅等配料，湯嘅顏色幾清徹，係淡淡嘅金黃色，飲落一啲都唔會覺得俗，而係非常清甜嘅味，而鴨肉絲都好淋，連埋其他配料，口感豐富，真係幾正~~打邊爐我最鍾意食嘅火鍋配料就緊係唔少得肉同肉同肉啦!!!所以為咗滿足我地嘅肉(欲)望，我地叫咗個至尊牛三星，佢係用一個三層嘅下午茶架載住嘅，最頂層係什錦牛柳粒，中層係牛舌芯同牛胸爽，最底層就係本地手切牛頸脊。每一款肉都有牛香，唔會俾湯底蓋過咗，而且肉質都好鮮嫩，但係最值得介紹嘅係牛舌芯同牛胸爽，牛舌芯係厚切之後再微微分一半，所以感覺會大塊咗，肉質嫩口之餘，仲帶點爽口，真係唔錯；