紐約客 (已結業)

雖然今日係星期一，禮拜日先休息嚟，但有個好朋友今日感情出現左D小狀況，就收工就拿拿聲約佢出嚟開導下佢，順便大家都放松下心情，休閑放松我覺得紐約客 New York Diner幾適合，之前嚟過幾次，第一次嚟係OPEN RICE見到，覺得感覺唔錯，幾啱我嘅杯茶。上個菜牌等你地可以了解下呢間餐廳嘅食物同價格，環境有D帶酒吧FEEL，墨西哥脆片薯角配蕃茄沙沙我比較鐘意食，好似食薯片咁，不過就系厚薯片炸得好香脆，再淋上番茄味沙律醬，香香脆脆好有口感，而且都整得好靚。呢個芝士蛋糕係我特別點比朋友食，因為就算心情唔好，見到呢個蛋糕都會心情開心D，佢都好鐘意芝士蛋糕，個嘴好叼，但都贊呢個蛋粒味道幾好，值得一試。波士頓焗龍蝦好大只啊，龍蝦鋪滿芝士焗，仲配有小蘑菇，焗得好正啊，好多肉，只蝦質量都幾好啊，再配一杯柚子蘇打，好滿意嘅一餐飯。