新天地人中華料理 (已結業)

收工搵飯食，上openrice睇吓有咩好嘢，見到哩間火鍋有孖寶優惠，加拿大象拔妦刺身加本地新鮮手切牛(中)都係$368 , 超抵食，而且大家都鍾意食刺身，一於打去訂位試吓，3個人叫咗半隻棷青雞鍋和一份孖寶試吓先，加拿大象拔妦刺身即叫即開真係好新鮮，棷青雞鍋個湯好好味好鮮甜,上枱時係你面前開個椰青倒落鍋,百分百新鮮，飲完先加湯打邊爐！手切牛一流,食得出係新鮮手切,肉質軟腍牛肉味濃!(最後再叫多ROUND孖寶)店員推介豬腳根，豬頸脊，鵝腸，愛爾蘭大蚌……雖然第一次光顧但印象唔錯，食物新鮮選擇多，店員服務好好，原來哩度有得蒸海鮮，不過要預訂，所以我地已經訂咗下星期再來食！