靚煲皇 (已結業)

放工約埋同事在旺角附近嘅靚煲皇打边爐，在夏天我哋試過佢哋小菜，都好得！相信佢哋火鍋都無問題😄好肚餓，快速叫侍應姐姐落order, 她們都好友善，介紹我哋不同嘅煲，結果我哋叫左艇皇大蜆煲，一上枱姐姐就叫我哋飲碗湯先，果然好介紹，因湯裡面有小生蠔、紫菜、潮州魚片、秀珍菇、冬菇仔、大葱、芹菜⋯又清甜、又有營養。跟著我哋更要叫手切肥牛，紅白均勻，賣相同口感一様咁得👍。姐姐推介新鮮南非鮑魚仔，細細仔又爽又鮮甜. 新鮮墨魚滑、鮮懐山、鮮雲耳、水餃、蓮藕、皇帝菜，一路食、一路同同事傾計，簡直一生樂事，日頭返工幾咁辛苦、受氣，通通都送走哂，頓時覺得要叫自已享受生命，愛吃、愛喝，令自己開心D，及理解到難題總會過去，我喜歡靚煲皇細細哋嘅環境，如坐店內，坐位密密哋，但侍應姐姐及其他食客都好有親切感，很窩心！如坐露天坐位，就好relax,同同事傾到唔願走！這些都是大酒樓自助火鍋比美不到的！自助火鍋雖然平，但是真係沒有新鮮嘢食，求其填飽過肚就算，不是我想要的，所以我接受靚煲皇嘅價錢，覺得佢哋價錢合理👍搵錢咁辛苦，要適得洗，適得享受你辛勞後的回報👍