Sogo Cafe (已結業)

同D偉兩個人食飯都度左好耐, 最終臨時決定黎呢度食, 環境唔錯, 幾清靜, 因為客唔多, 兩個人點左一個蒜香蜆肉天使麵, 同一個餐; 扒黑松露菌加拿大山雞拼豬扒。個天使麵o既蜆肉係完全冇味雪藏貨, 又唔多有蒜味, 可能我味覺遲鈍, 問D偉食唔食得出, 佢答得好妙, 佢用五個字形容話: , 不過d麵入口都幾滑。而另外個餐, 豬扒味道肉質尚可, 但d雞肉質有d似乳鴿, 係完全無味道o既, 全懶個汁, 但個汁又唔算特出, 配菜薯仔蘿蔔翠玉瓜, 都食唔出佢本身o既味道, 好彩個餐湯碎磨茹忌都唔錯, 夠香夠滑。