UCC Coffee Shop

营业中

休息中

Lunch 过黎食，去到门口见冇人排队都心知不妙(因为往时通常都要等位)，想食日式咖哩，所以嗌左个咖哩炸鸡+沙律吧+饮品，非常失望，咖哩不太热，而且味道同超市买既盒装咖哩差无几（屋企自己整应该仲好食），炸鸡淋哂劲干粉，饭是硬硬的，也不够热，不过基于惜食原则，尽力吃左半碟都顶唔顺，唯有向食物之神忏悔了一下。沙律好难整得难食的，因为大部分系罐头，罐头菠萝，罐头鹰咀豆，罐头粟米，薯仔沙律，生菜，所以不过不失，不过选择极少，基本以上已经系全个沙律吧的料了。记得上次吃过下午茶，份量极少（小朋友都唔够食）个碟系一个女人手掌咁大，加上是翻叮意粉，谂住只系下午茶问题，今次再给次机会自己去试多次，点知失望而回，大概可以永久放入黑名单也不算损失了。