影片
更多
2019-01-17
174 浏览
星期六唔訓晏少少係因為唔想浪費左個假期，所以早兩日特意早少少起身同家人去左酒店食Semi lunch buffet，之前都黎食過依度既中菜，覺得整體都唔錯，見佢剛好有半自助午餐，所以一早預訂好位同家人去享受下天倫樂入座後就係諗食咩主菜環節，我地點左香烤豬扒同香烤肉眼扒配黑椒汁點好之後就出去拎其他食物，包括沙律吧、精選餐湯、特色咖喱同甜品吧都係自助形式食主菜前先食少許沙律同冷盤海鮮開胃下先，我自己特別鍾意食冷盤既白灼凍蝦，剝殻後唔沾醬咁食完全食到蝦既原有味道同鮮甜味，大隻厚肉夠爽彈！而咖喱款式亦有四種，分別有泰式、日式、印度同馬來西亞既咖喱，我自己個人就比較鍾意泰式咖哩，咖哩中有鴨胸肉，食落酸酸地，好冬蔭公味，香茅味道亦強烈，非常開胃，鴨胸肉入口爽嫩又唔會乾身，配薄餅脆片食真係停唔到口第二款係馬來西亞咖哩入面係薯仔，味道非常濃烈，完全好似去左印度食咖哩咁既味，如果有白飯配既話，係會食唔停口第三款係印度咖哩配羊肉，酸味較強，味道唔太濃，食食下都幾開胃最後一款係日式咖哩，當中係雞肉，食落比平時食開既日本咖哩淡，個人認為甜度可以多少少，相信會更吸引食完少許前菜，主菜就送上枱啦，肉眼扒點左七成熟
入座後就係諗食咩主菜環節，我地點左香烤豬扒同香烤肉眼扒配黑椒汁
點好之後就出去拎其他食物，包括沙律吧、精選餐湯、特色咖喱同甜品吧都係自助形式
食主菜前先食少許沙律同冷盤海鮮開胃下先，我自己特別鍾意食冷盤既白灼凍蝦，剝殻後唔沾醬咁食完全食到蝦既原有味道同鮮甜味，大隻厚肉夠爽彈！
而咖喱款式亦有四種，分別有泰式、日式、印度同馬來西亞既咖喱，我自己個人就比較鍾意泰式咖哩，咖哩中有鴨胸肉，食落酸酸地，好冬蔭公味，香茅味道亦強烈，非常開胃，鴨胸肉入口爽嫩又唔會乾身，配薄餅脆片食真係停唔到口
第二款係馬來西亞咖哩入面係薯仔，味道非常濃烈，完全好似去左印度食咖哩咁既味，如果有白飯配既話，係會食唔停口
第三款係印度咖哩配羊肉，酸味較強，味道唔太濃，食食下都幾開胃
最後一款係日式咖哩，當中係雞肉，食落比平時食開既日本咖哩淡，個人認為甜度可以多少少，相信會更吸引
食完少許前菜，主菜就送上枱啦，肉眼扒點左七成熟，切開後肉眼中間帶少少粉色，食落啖啖肉且厚實，牛味適中，而且容易咀嚼，沾黑椒汁簡直係完美配搭，旁邊仲有脆薯角同蕃茄等配菜，份量剛好，唔會過多或過少
而香烤豬扒質感軟熟，入口唔會太過乾身，而家我好怕食豬扒個陣有雪藏味，好彩依度煮既完全無，配埋洋蔥汁真係最好不過
最後到甜品了，除左有水果之外，當有有三款蛋糕甜品，包括朱古力蛋糕、芝士蛋糕同意大利芝士蛋糕，我至愛係朱古力蛋糕同芝士蛋糕，朱古力味道好濃烈，而芝士蛋糕既芝士味道強，但食落唔會覺得有濟膩感，整得唔錯
整體而言，食物質素也可以，店員服務友善，座位相當寬闊，個人認為較出色係四款咖哩，食得出唔係馬虎質素，沾薄餅脆片真係好夾，而冷盤既海鮮質素都唔錯，食落都幾新鮮，如果以自助午餐黎講，以依個價錢食到如此質素的確幾抵食
张贴
