終於黎到尼間bookmark 左好耐既cafe, 果然無令我失望。環境裝修有心思，影相打卡很不錯！而且店內梳化位多，音樂又不太嘈醒，一邊嘆住輕食同朋友傾下計，一邊放鬆一下心情，太寫意了！
.
龍蝦蟹肉包
大力推薦！內層餡料澎湃有口感，沙律醬不覺漏，更帶出龍蝦蟹肉清新獨特風味，配搭外層滲透淡淡牛油香的麵包一起吃，大滿足！
.
紫薯髒髒鮮奶
紫色控大愛！紫薯味香濃，口感幾滑身，仲食到一粒粒甜甜紫薯，好有咬口。
.
泰式大蝦炒飯
因為已被上面2款輕食奪去了眼球及胃口。 尼款炒飯剩係食左1-2啖，其他朋友包底，入口帶泰式辣醬及xo 醬的微辣味道，自己中意食辣，覺得如果可以再辣啲就更加好。而飯粒吾會好濕，食到粒粒分明的口感，啲蝦都幾大隻，目差有5-8隻，還不錯吃的。
.
