一糖 (屏山)

营业中

休息中

四月有好多日假期，終於可以同男朋友去遠少少嘅地方食好西啦！今次走到入天水圍食甜品，雖然聽落天水圍好似有d遠，但其實搭西鐵係好快捷架！同埋，一糖嘅位置好近西鐵站，一出站行兩三分鐘就到啦，好方便。餐廳座落停車場，揸車黎嘅朋友可以喺到泊埋車，唔洗錢架！餐廳內外嘅裝潢都係走日本風格，有種日本風情畫嘅味道，呢類餐廳喺香港黎講都算少數啦。店員推介我地試紫薯系列，話係新產品，我地就點左個「紫薯棉花糖」。棉花糖焗到外脆內軟，倒埋朱古力醬落去，好鬼正呀！朱古力醬係濃郁果隻，份量又多，每粒棉花糖都沾滿朱古力醬，好好味！底下嘅紫薯味道較清甜，中和返上層棉花糖加朱古力嘅甜度，唔會成個甜品都清一色好甜咁。紫薯塊壓成粒鋪喺個底，都幾多幾飽肚。另外點左「朱古力心太軟」，蛋糕中間好流心，朱古力湧哂出黎！心太軟上面仲有好多忌廉，加埋忌廉個味仲正！雪糕有幾款味可以揀，我地揀左曲奇味，中間有曲奇碎碎，食落幾有口感。「抹茶麻糬窩夫」$50有成四塊大大件嘅窩夫，好抵！窩夫嘅茶味都重，中間夾左麻糬，好煙韌呀。再加埋粒粒紅豆，正呀！我地仲點埋抹茶雪糕，黎個雙重抹茶味，抹茶味更濃更重，一流！