正牌沙田雞粥 (已結業)

之前試過呢間餐廳嘅早餐，真心完全唔得。早幾日經過發現佢不再做早餐，只做午市和晚市。晚上經過嘅時候發現餐廳內都坐滿人，心裏面都覺得奇怪。有一晚屋企冇煮飯所以同老婆同個仔決定試吓呢間嘅晚市。叫咗一窩雞粥，一個豉油王炒麵同一個椒鹽鮮魷。個雞粥粥底夠厚夠綿，啲料都算多，唔會太多味精。一窩三個人都食唔晒要拎走，建議四個人以下叫一至兩碗。個豉油王炒麵就普普通通同出面粥鋪嗰啲差唔多。個椒鹽鮮魷反而有驚喜。粉唔算厚，食落彈牙有鮮味。三個人埋單$300左右。