中華小廚

中式嘅早餐份量好夠，味道唔錯。不過出前一丁就煮得好差，有時太腍，有時又太硬。調味粉自己加，但加咗入去都唔夠味。
中式下午茶中的乾炒牛河、肉絲炒麵及焗豬扒好味$40左右，好抵食。
燒味亦唔錯，但叫叉燒就一定要叫半肥瘦，如果唔係俾超瘦嘅就唔好食。燒腩仔唔錯。
晚飯小菜款式好多，但價錢就比其他茶餐廳相對高咗D。整體小菜嘅質素唔錯。
員工服務態度方面，所有侍應態度一般，有一兩個態度幾好。
但俾錢時，收銀處嘅中年阿姐態度超差，好惡！