杏花薈

今天食点心，侍應放低沙律卷就走，想話畀佢聽, 唔係我order，結果見唔到個侍應，唯有搵部長拿走. 另外我哋order的鵪鶉蛋燒賣, 足足等咗一個半鐘頭先有。原本都已經算數，冇話要投訴，點知跟住到收銀，收銀嗰位姐姐，幫人改單，改咗兩張，跟住我前面, 係一個要寫手寫單嘅人，跟住到我畀錢，唔鍾意我用visa，就講，“快啦啦，後面好多人等緊，用八達通囉”，跟住我忍唔到，就出聲，“我等咗你咁耐，都冇出声, 你咁講野，你有冇搞錯！”

咁樣態度，咁服務，点樣可以留住客。

我照比八達通，冇出声。不過，我覺得唔合理，唔比我用visa，呢個收銀亦冇講明，幾多$才可以簽visa。做收銀, D野搞來搞去，搵个客出氣，是否要檢討? 好声D對客, 自己搞野吾快, 就揾後边D客, 有冇搞錯, 吾想做, 就吾好做啦。另外D野咁混亂，都要想下怎解決，否則做唔住，又話市道唔好，不想下自己怎管理間鋪，D员工質素是否合適？d員工亦自己檢討，個客比$, 如果你是客，會否可以接受呢?