十里洋場 (已搬遷) 新店位置

前一日夜晚打黎book星期六既下午茶，職員話有客人取消左所以有位置，不過去到既時候都見到仲有好幾張空枱。由於做左功課，知道要每位收20蚊茶錢同前菜20蚊，加上下午茶set係包野飲，所以坐低既時候就同左職員講唔要前菜同茶。職員就問咁水要唔要，當時無諗過原來水都要收費的（每位＄20），到埋單先知道。感覺都幾無奈，當時其實無飲過d水，如果職員有提醒返要收費，真係唔會叫，感覺好中伏。唯有怪自己做唔足功課啦…男職員叔叔主動幫我地影相，呢樣幾surprise。臨尾個酸辣湯雲吞催左兩次至黎。服務都ok既，要膠手套食乳鴿都有提供。食物方面，女兒紅醉雞味道唔錯，入味，個汁好食。大湯包都唔錯，有湯汁有蟹黃味道。飲品兩杯都簡左楊枝甘露，芒果甜，好飲，略嫌細杯左d。只係上面個幾樣比較出色，其他野食都係普通，無咩特別，試一次就夠。