影片
更多
2008-09-16
2 浏览
小金魚本身好鐘意食雪糕同甜品前排有個星期六同朋友仔一齊去尖沙咀行街買野，見行到攰攰地就諗住搵個地方坐下"抖"下，見呢到有位唔洗等位，就入去坐坐啦。麻布茶坊我已經唔係第一次幫襯，一早就知佢甜品就幾好~千其唔係試佢d熟食(當然呢個係用錢同個胃換嚟的經驗)，所以同朋友2個人就叫咗二個甜品。番薯xxx(失憶症又發作，忘了個名) ：係"舊"番薯上面有d軟雪糕，我朋友鐘意食日式的番薯，但係呢舊番薯其實好鬼普通，再加上可能又唔係時間啦(不時不食呱)，"舊"番薯唔甜唔香，雖然個雪糕都幾好食(我個人比較鐘意食雪糕車多D)，但係真係一般的好緊要囉~而且D雪糕唔夠硬，送到上嚟已經開始有點溶溶地，亦可能因為佢係軟雪糕呱~~~宇治金時：小金魚很喜歡這個日式甜品，但係呢度真係好孤寒，刨冰就很多，但係糖水、綠茶、紅豆同雪糕就超少，攪到小金魚每次食到一半就一定唔夠配料食，D刨冰又唔係打得唔好(多數都係好大粒)，我好多時都會食餘一堆刨冰。真係要講下呢度D SERVICE，我同朋友去個日係星期六，客人已經算唔得上真係好多(至少唔洗等位啦)，就眼所見待應就唔係少，但係SERVICE就真係差差差o勒，全程你唔叫佢佢係唔洗旨意
前排有個星期六同朋友仔一齊去尖沙咀行街買野，見行到攰攰地就諗住搵個地方坐下"抖"下，見呢到有位唔洗等位，就入去坐坐啦。
麻布茶坊我已經唔係第一次幫襯，一早就知佢甜品就幾好~千其唔係試佢d熟食(當然呢個係用錢同個胃換嚟的經驗)，所以同朋友2個人就叫咗二個甜品。
番薯xxx(失憶症又發作，忘了個名) ：係"舊"番薯上面有d軟雪糕，我朋友鐘意食日式的番薯，但係呢舊番薯其實好鬼普通，再加上可能又唔係時間啦(不時不食呱)，"舊"番薯唔甜唔香，雖然個雪糕都幾好食(我個人比較鐘意食雪糕車多D)，但係真係一般的好緊要囉~而且D雪糕唔夠硬，送到上嚟已經開始有點溶溶地，亦可能因為佢係軟雪糕呱~~~
宇治金時：小金魚很喜歡這個日式甜品，但係呢度真係好孤寒，刨冰就很多，但係糖水、綠茶、紅豆同雪糕就超少，攪到小金魚每次食到一半就一定唔夠配料食，D刨冰又唔係打得唔好(多數都係好大粒)，我好多時都會食餘一堆刨冰。
真係要講下呢度D SERVICE，我同朋友去個日係星期六，客人已經算唔得上真係好多(至少唔洗等位啦)，就眼所見待應就唔係少，但係SERVICE就真係差差差o勒，全程你唔叫佢佢係唔洗旨意佢幫你加茶(我見到個待應攞住個茶壺行嚟行去，但係都幫我地加茶，明明我個杯已經"吉"咗好耐啦)，我地叫咗2個甜品，我朋友個個食完咁濟，我個個都未來，攪到我朋友都有D唔好意思一個人係度食而我就只有望住佢食(你知啦~雪糕不等人嘛)，我要慛幾次至嚟，(我估佢都唔知係咪漏單)，仲要我想搵個待應過嚟問時，有個待應企係門口處都可以扮睇我唔到(唔通佢真係時運高到咁~)。
好啦~終於等到個宇治金時嚟到，我都仲未開始食，呢個時候居然有個待應"隊"張單埋嚟，問我地係咪叫埋單，我忍唔住問返佢"你地個甜品啱啱至嚟，我都未開始食，你話我有無叫埋單，如果你地個甜品同你張單都係咁快嚟，我咪會叫埋單囉~"真係有點激氣呢~~~
加上個日又嘈，令我坐得更加唔舒服，感覺更加差呢~~~~
2個人連加上食咗HKD104.00，以咁o既價錢，換嚟咁普通的食物質素(甜品都仲話呀~熟食真係唔好攪呀)同service，真係超級唔值呀
张贴