牛極 (庇利金街) (已結業)

牛極✨收工慢食石板牛✨ 今年好hit嘅石板牛，成日都排哂長龍，收工經過佐敦呢間唔洗排隊（可能因為已經9點）就諗都唔諗入左去。一樣都係選擇牛肉嘅種類，然後湯+沙律任食，想食幾多就拎幾多，唔怕浪費。牛肉揀左兩款：✨✨牛柳 $110 200g✨✨呢款真係大推！！ 肉質軟冧，加少少鹽同埋bbq調味料已經好正，食落一啲都唔似$110嘅牛。而且石板夠熱，試過第二間食到一半要換板好無癮，但呢度食到尾都仲熱辣辣。✨✨牛肩排 $80 180g✨✨同牛柳相比，肉質無咁軟冧，但肉味更濃，好濃好濃嘅牛味，鍾意食牛嘅人一定好滿足。飯同湯就不過不失，白飯偏硬，如果啲飯可以更加香軟就更滿足。