影片
更多
2023-07-05
47 浏览
呢間［雙魚座咖啡館］由佢岩岩開業就已經聽過佢名，咁岩行開旺角就去左試～佢地嘅dinner menu係每星期都會轉下，本身去想試下意粉，之前睇過其他食評好似好正、不過今日dinner 冇就改左試下個豬手，點知好有驚喜！加左38蚊有龍蝦湯，個湯好好飲，味道濃郁，湯入面嘅龍蝦肉都好鮮甜講返主菜豬手先！豬手個皮脆唔洗講，我最滿意嘅地方係豬手唔會過鹹，皮脆肉嫩，調味又岩岩好👍🏻伴碟嘅薯蓉亦好抵讚，薯蓉調味好、細滑帶牛油香氣，好好食！另外見香蕉朱古力芝士pizza好似幾有趣，就叫左黎試下，香蕉同朱古力嘅配搭本身以為會好甜，點知加埋芝士同薄脆嘅pizza邊，食落成件事係平衡得好好❤️之後見隔離枱叫左個甜品好似好正，我地又叫埋一份🙈就係期間限定嘅「紅豆、抹茶蕨餅、麻糬、意大利雪糕配牛角包窩夫伴鮮果」呢個甜品作為一餐嘅完結，真係完美！咁多配料成件事好豐富、雪糕配牛角包窩夫咁食 咬落帶啲牛角包酥皮嘅口感 鬆鬆脆脆，食完未夠喉！_ _ _同場加映：話說食完上面果餐之後，我有日收工自己去多一次 諗住睇下有冇上次食唔到嘅意粉，點知發現新推出左個啤酒小食放題！心血來潮就試下🙈小食種類有6款，啤酒係日本生啤，啤酒容易
佢地嘅dinner menu係每星期都會轉下，本身去想試下意粉，之前睇過其他食評好似好正、不過今日dinner 冇就改左試下個豬手，點知好有驚喜！
加左38蚊有龍蝦湯，個湯好好飲，味道濃郁，湯入面嘅龍蝦肉都好鮮甜
講返主菜豬手先！
豬手個皮脆唔洗講，我最滿意嘅地方係豬手唔會過鹹，皮脆肉嫩，調味又岩岩好👍🏻伴碟嘅薯蓉亦好抵讚，薯蓉調味好、細滑帶牛油香氣，好好食！
另外見香蕉朱古力芝士pizza好似幾有趣，就叫左黎試下，香蕉同朱古力嘅配搭本身以為會好甜，點知加埋芝士同薄脆嘅pizza邊，食落成件事係平衡得好好❤️
之後見隔離枱叫左個甜品好似好正，我地又叫埋一份🙈
就係期間限定嘅「紅豆、抹茶蕨餅、麻糬、意大利雪糕配牛角包窩夫伴鮮果」
呢個甜品作為一餐嘅完結，真係完美！咁多配料成件事好豐富、雪糕配牛角包窩夫咁食 咬落帶啲牛角包酥皮嘅口感 鬆鬆脆脆，食完未夠喉！
_ _ _
同場加映：
話說食完上面果餐之後，我有日收工自己去多一次 諗住睇下有冇上次食唔到嘅意粉，點知發現新推出左個啤酒小食放題！心血來潮就試下🙈
小食種類有6款，啤酒係日本生啤，啤酒容易入口配住小食好快就飲完一杯🙈飲完一杯職員會續杯,小食有越式米紙春卷、日式炸餃子、泰式魚餅、章魚小丸子、炸雞塊同薯角！
所有小食都係熱辣辣上菜、小丸子、餃子、薯角同雞塊都好好食，我叫多左2轉
下次想收工後同fd飲杯野食啲小食傾下計，都會考慮黎呢度🫶🏻
张贴
