粗店燒烤 (已結業)

今日放工想同朋友食少少嘢，吹吓水，咁啱朋友公司附近有間燒烤店，價錢都唔算好貴，所以諗住過去聚一聚。我哋六點幾左右去到，都仲有一啲位，唔使等可以直接入座。我哋一坐低，職員即刻幫我哋添置一啲辣椒粉同孜然粉，方便我哋之後食燒烤嘅時候，自由添加，好貼心👍🏻然後我哋透過QR code落單，叫咗炸饅頭、牛肉串、五花肉、烤大扇貝、翠玉瓜、烤菠蘿、錫紙娃娃菜、錫紙金菇、錫紙卜卜蜆、椒鹽魷魚鬚。炸饅頭最值得一試，因為真係有炸到金黃色，而且仲做到外脆內軟嘅效果，再加上煉奶嘅點綴，簡直就係冇得頂🤤其次餐廳都好貼心，上串燒嘅時候都會將啲串燒放喺烤盤上keep warm，方便客人幾時食都可以。仲有就係所有錫紙嘅菜式，食物下邊都會有粉絲令到我哋覺得好驚喜，因為我哋係一個粉絲愛好者👍🏻