金園茶餐廳

营业中

休息中

呢間金園好耐冇食過啦，知道每日會嚟長沙灣做嘢，就已經計劃定嚟食啦我鍾意呢間茶餐廳可能係人情味啦，同埋性價比好高👍🏼我鍾意佢嘅火腿奄列，係家常嘅做法，似平時屋企媽咪煎俾我食嘅蛋一樣👍🏼另外已經好少茶餐廳嘅常餐，係會用餐包，而唔係多士。所以好懷念。👍🏼今次叫咗沙嗲牛肉米，米粉份量都幾多，一定可以食到飽。另外最掛住就係佢杯熱奶茶。，唔知點解我係特別鍾意飲呢間餐廳嘅奶茶，好有奶香味。其實呢間餐廳出邊都有好多新鮮出爐嘅蛋撻麵包，次次行過都見到好多人買，而且價錢實惠。希望呢啲老店茶餐廳可以繼續堅持啦。。