堅石燒 (已結業)

一路都好想試下燒山間堅石燒，午餐黎到發現佢幾抵食！石燒巨形雞扒($48)雞扒份量好足夠，用咗全隻去骨雞脾，肉質嫩滑，不過味道就比較清淡，加少少岩鹽就剛剛好啦～有啲失望嘅係佢用石板上，係你面前打開蓋，但石板係凍嘅，雞扒亦唔算熱。如果溫度可以改善就Perfect啦!小食吧(+$12)沙律一罐罐裝好，非常衛生，加埋和風醬好好味！西洋菜蜜當佢係西洋菜湯係唔錯嘅，幾有屋企嘅味道，飲唔出蜜味，因為真係唔甜，但啱晒我XD雪濃湯好足料，勁多牛肉同蘿蔔，飲咗3碗仲食晒啲渣！