紅煮意

营业中

休息中

今日去開駿發花園附近，搵咗間樓上Cafe食。最初以為呢度唔算好旺，應該冇乜人，點知去到已經full full地。餐廳有好多本地樂隊嘅相，同埋原來星期六夜晚7:30有live Band。呢度主要食西餐為主，亦有素食menu。叫咗兩個dinner set，有餐湯餐包同埋包埋飲品。餐湯忌廉蘑菇湯，蘑菇味好濃郁，而且湯上面撒有少少紫菜調味。蒜蓉包好脆，而且蒜蓉味滲晒入個包入邊，好好味。軟殼蟹黑松露忌廉汁意粉，軟殼蟹好大隻大過我個拳頭，炸到好鬆脆。意粉有濃郁嘅黑松露味仲有啲蘑菇伴碟。安格斯牛漢堡配薯條沙律，個包有煎過好脆，漢堡扒煎到外脆入邊亦保留左肉汁。薯條係粗薯條，入邊有好多薯仔肉。店員服務態度亦非常親切，經常面帶笑容，值得推介。