Honbo (已結業)

今日同朋友嚟到南豐紗廠影相 我係第一次嚟都比呢度嘅藝術品同埋藝術氣息吸引住 影完相之後就同朋友喺附近試咗呢一間好有外國快餐店感覺嘅漢堡包店 餐廳好啱打卡！我同朋友分別試咗兩款burger同埋都加錢變咗set lunch 而配菜分別試左炸薯條同埋沙律經典漢堡經典漢堡入面嘅配料好豐富 分別有酸瓜、洋蔥、生菜再加埋自家嘅醬汁 一咬開漢堡包覺得好驚喜 漢堡包嘅口感非常之軟熟 軟綿綿既感覺再加上用牛油烘煎過包身所以香味十足 入面嘅漢堡扒好厚身 牛肉味好濃而且完全唔覺得乾仍然可以保持到充滿肉汁 加埋酸酸甜甜嘅酸瓜可以中和油膩感 ！芝士漢堡今次呢一款漢堡包最吸引嘅地方就係漢堡扒上面嘅熱熔芝士 芝士味都好濃郁 輕易做到拉絲嘅效果 鹹香嘅芝士味再配埋濃濃嘅牛肉香味完全令人食唔停口 芝士迷一定唔可以錯過！炸薯條呢度嘅炸薯條用上左幼薯 每一條都炸至金黃色非常香脆可口 而且薯條入面嘅薯蓉亦都好足夠 所以咬開亦都會食到滿滿嘅薯仔蓉 最欣賞嘅係呢度嘅薯條調味得好夠味 所以我今次就算唔加茄汁亦都覺得好滿足