籽樂廚房 (已結業)

今日係尖沙咀睇完戲，就想去山林道果邊睇下有咩好食。行下行下就見到呢幢新野銀座38，睇睇下見到呢間籽樂廚房。上到去見到原來佢地有請到啲弱聽同聽力有困難嘅人做staff，落單如果有困難都有其他staff可以幫到手。睇左餐牌之後，我地叫左一個餐同散叫左香煎龍利柳拌刁草忌廉汁。個餐上左蒜蓉包，湯同煙三文魚沙律先。個包好夠熱夠脆，湯就有啲咸，沙律個柚子沙律汁好正。之後就上左個龍利柳先，煎得好香，仲有三粒薯仔，好飽肚。個餐個主菜之後等左一陣就上，我地揀左去骨雞脾肉配芝士忌廉汁螺絲粉，好夠熱，同埋芝士好香，啲雞又好滑，推薦大家可以一試。最後最後就有藍梅芝士餅同餐飲凍檸茶，兩樣都無令人失望。啲staff都好有心去做，有時忙左啲就可能要等下佢先serve到你，但都值得一試嘅！