uen cafeteria (已結業)

睇完蘋果訪問就黎支持下年青人創業，好可惜依家連篇訪問都再睇唔返。。芋泥肉鬆芝士吐司 $60 4/5分真心個芋泥好好食，芋泥既甜x肉鬆既香咸x芝士真係夾，不過成份太大份了。。圖中只係半份黎😂另一份叫店員幫手包起拎走左第二日再食😂如果可以既其實寧願細份d同平d，咁性價比會高d同方便做Lunch。黑松露薯條 $38 4/5分熱辣辣新鮮炸起既粗薯，好可惜太飽，食左少少就放棄左🥺有d浪費，如果係可以少d配Lunch set就更好，當過下口癮。炸雞扒吐司 $68 4/5分同朋友交換左半份食，其實呢份有菜同蕃茄加埋雞扒就比較岩Lunch食，感覺上健康d，每樣食材食得出係新鮮，不過又係太大份😂朋友們都覺得味道係好食，只係份量過多，價值都比較貴，如果可以調整下個份量再訂幾個Lunch set，例如$60包個薯條杯同熱飲，相信會吸引到更多人黎食Lunch。