Tick Talk (已結業)

今日去左長沙灣行街買野，但天氣又焗，行一陣已經成身痴笠笠，就周圍去揾飲品，見到附近有一間叫Tick Talk的店鋪，就去看看。店鋪位於順寧道，細細間，沒有好華麗的裝潢，簡簡單單。飲品的種類都唔少，我同友人分別揀左「大人朱古力」同「薄荷朱古力沙冰」，在等候的時間，店的橫側有數張椅可以坐下等，好細心的安排。「大人朱古力」其實叫的時候我都唔係好知係咩黎，見個名幾特意，就叫黎試下。原來叫大人，是因爲在朱古力入邊加左少少酒黎調制。朱古力味非常香濃，有粒粒碎朱古力，配合少量酒精，有別一般的朱古力，感覺新奇，口感唔錯。而朋友點的「薄荷朱古力沙冰」，她說很重薄荷味，朱古力加入左朱古力碎，令朱古力味更重，飲品的份量配合得好好，好夠味。