- 蕃茄菠菜牛肉米線（魚湯）：蕃茄清甜，菠菜落得多；牛肉用鮮牛，口感順，湯底走清爽路線，飲落無味精感。
- 鮮茄肉碎勝瓜鱸魚片米線（魚湯）：勝瓜爽甜吸湯，鱸魚片嫩滑；肉碎唔油，問過老闆娘先知係每日去街市買梅頭返嚟自己手剁，食落有肉香。
- 雙拼湯餃（8隻，魚湯）：餃子脹卜卜、大大隻，皮薄有咬口；以份量嚟講幾抵食。
整體口味比較清淡無味精，湯底有啲似媽媽煲既湯，有生菜、紅蘿蔔、粉葛等等；如果鍾意濃味可以考慮自己加枱面既辣菜譜。服務幾有印象：家庭式經營，老闆一家人都好有禮貌，老闆娘仲會主動傾兩句；就算係掛8號風球前夕，都冇趕客，等我哋慢慢食完先收舖。
而家經濟唔好，肯用心經營，食物足料有質素嘅食肆已經買少見少，之後都會繼續幫襯，希望支持吓呢啲小店。由於太肚餓冇影低食物，淨係影咗餐牌🤣
1
