一起食堂 (域多利皇后街)

营业中

休息中

喺中環行完街搵地方食飯，諗起之前黎過哩間幾好味，今次又黎左食喇！坐低後劃左自己想食既野就俾單店員，轉眼好快就有野食。炸花枝丸 $32、米紙蝦春卷 $32哩2款小食即叫即炸，熱辣辣。米紙春卷炸得好脆，裡面有蝦肉爽口，好食！花枝丸爽口彈珍，食到墨魚粒粒，哩兩款小食都好正又抵食。蒲燒鰻魚飯 $98好大塊既鰻魚呀，加上溫泉蛋同紫菜一齊食，超正！鰻魚完全唔腥，冇骨，啖啖食得放心，有碗湯送，食法帶有日式風味。貢丸湯 $18十幾蚊有三大粒貢丸，一啖咬落好爽口，正！綜合關東煮 $68有貢丸、蘿白、魚餅等，不錯！叫左2杯熱飲，桂花雪梨和黑糖薑母茶，唔算好甜，岩岩好，好滋潤。