籽樂廚房 (已結業)

有朋友揀咗嚟呢到食飯，睇門口啲紙仔先知道係聘用聽障人士嘅社企入到去叫咗set dinner是日餐湯係蕃茄湯，好鐘意濃郁嘅蕃茄味，好正，忌廉稍為太多。朋友鐘意食個蒜蓉包，但我覺得太淋身。巴馬火腿伴蜜瓜田園沙律正常嘢，加啲沙律醋，好味嘅飲完湯食埋沙律其實都飽飽地喇，再嚟豬手拼香煎比目魚(本身係波士頓龍蝦唔係豬手，但今日無貨改咗餐單)，豬手對於我嚟講太鹹，不過肉質嫩滑，外皮都香嘅，叫呢份餐都係為咗比目魚，無令我失望，魚質好滑，味道都唔錯，薯條就比較遜色。好少接觸聽障人士，佢哋溝通好需要睇口形，而家需要戴口罩嘅時期對於佢地工作都幾唔方便，帶位工作都需要等其他同事幫手，客人要比多啲耐性。見到員工們都好勤力，一食完收碟收得好快，食物質素都幾好，難怪咁多人支持。