英記美點小食 (已結業)

價錢相宜，味道又唔錯嘅小店越黎越少，難得今年米芝蓮推介咗呢間傳統香港食店，值得支持一下。復古巷仔雲吞麵 拼牛腩 ($30)雲吞麵係呢度嘅招牌菜，雲吞一啖一粒，蝦肉爽口彈牙，湯底係濃郁嘅大地魚湯，但係食完覺得幾口渴。牛腩相對比較失色，有d好難咬，有d又淋。六十年代撈麵 ($25)呢度嘅姐姐同我哋大推六十年代撈麵，撈麵加咗豬油同韭菜，食起上黎非常香口但不覺油膩，銀絲蛋麵無鹼水味，而且彈牙，食完真係幾回味。燒賣、腸粉、粉果 ($20)呢度仲有好多地度小食，我哋叫咗一大碗share，包括：燒賣、腸粉、粉果，粉果係三樣入面最好食嘅，入面嘅韭菜好香口。