8鍋臭臭鍋 (金巴利道) (已結業)

其實係因為餐廳好攪笑，所以先約朋友食，全店係食台灣食物，又好似幾特別，一人一鍋都幾衛生，又唔使怕要夾口味，本人就叫左個香蒜牛鍋，牛肉肥瘦適中，而且仲有好多配料，有蟹籽丸 ，牛丸 ，鳴門卷，蜆，娃娃菜，粉絲，魚付，栗米....,都幾多野食，鍋料已經非常充足，仲可以配飯或米線，非常抵食，香蒜鍋非常香，湯底非常鮮甜美味，成個食晒可以連湯都飲埋，再叫左杯超級解暑開胃沙冰，荔枝沙冰，真的非常勁荔枝味配鍋一齊食係最佳配搭。小食就叫左個麻辣臭豆腐，麻辣不算太辣，所以所有人都可以食到，臭豆腐臭度亦相當適中，唔會臭到隔離，所以呢間餐廳好藉得推介