影片
更多
2009-01-01
17 浏览
12月26日晚約咗朋友去銅鑼灣sogo等, 冇plan定食乜, 因知會好多人, 諗住見乜食乜, 點知出到去, 個銅鑼灣異常少人, 比平時仲少咗, 咁就去咗附近風月堂, 而且只等一兩個籌, 諗住食開有保證實冇死啦, 點知佳節當前就出事.....去到叫咗兩個晚餐, 包"湯、沙律、主菜、甜品同餐飲上桌次序如下:好快先嚟沙律鴨胸沙律-------鴨胸唔錯, 肉質軟熟, 冇"憶"味, 但個sauce 唔掂, 得d橄欖油, 檸檬汁都冇, d菜仲啖啖苦味, 朋友食完三塊鴨肉後就擺低咗, 而我都"捱"剩兩啖就放低, 自己好中意食呢種沙律架, 但食緊嘅時候只覺得自己似隻牛, 今次好失望呀!等咗十多分鐘要吹先再嚟....羅宋湯&蕃茄西芹湯-----見朋友個羅宋湯冇投訢, 而我個蕃茄西芹湯就好不錯, 湯嘅質地較杰身, 好似用蕃茄鮮打出黎, 味道又fresh, 加入西芹增加咗爽脆口感, 好味飲完湯10分鐘後菠菜三文魚卷天使麵-----賣相一流, 但味道就九流, 魚卷做得好精緻, 配淋面個菠菜蓉橄欖油, 因個sauce係油嚟, 菠菜已經俾佢包住出唔到味, 所以呢個汁除咗睇得次外, 可以話係廢既, 主要靠食佢d食
約咗朋友去銅鑼灣sogo等, 冇plan定食乜, 因知會好多人, 諗住見乜食乜, 點知出到去, 個銅鑼灣異常少人, 比平時仲少咗, 咁就去咗附近風月堂, 而且只等一兩個籌, 諗住食開有保證實冇死啦, 點知佳節當前就出事.....
去到叫咗兩個晚餐, 包"湯、沙律、主菜、甜品同餐飲
上桌次序如下:
好快先嚟沙律
鴨胸沙律-------鴨胸唔錯, 肉質軟熟, 冇"憶"味, 但個sauce 唔掂, 得d橄欖油, 檸檬汁都冇, d菜仲啖啖苦味, 朋友食完三塊鴨肉後就擺低咗, 而我都"捱"剩兩啖就放低, 自己好中意食呢種沙律架, 但食緊嘅時候只覺得自己似隻牛, 今次好失望呀!
等咗十多分鐘要吹先再嚟....
羅宋湯&蕃茄西芹湯-----見朋友個羅宋湯冇投訢, 而我個蕃茄西芹湯就好不錯, 湯嘅質地較杰身, 好似用蕃茄鮮打出黎, 味道又fresh, 加入西芹增加咗爽脆口感, 好味
飲完湯10分鐘後
菠菜三文魚卷天使麵-----賣相一流, 但味道就九流, 魚卷做得好精緻, 配淋面個菠菜蓉橄欖油, 因個sauce係油嚟, 菠菜已經俾佢包住出唔到味, 所以呢個汁除咗睇得次外, 可以話係廢既, 主要靠食佢d食物原味同新鮮度, 仲鹽味都唔覺有, 又油又濟, 食咗兩嚿要俾埋last一件過朋友, 老實講佢d食物又未至於新鮮到可以用到呢種煮食方法烹調, 而天使麵又係好似冇落鹽或上湯燴過, 仲之大家想像吓自己食緊個樣野全部都冇落鹽, 毫無味道層次, 就知我個一刻好似酷刑咁...
食緊中途朋友個餐仲要等, 加起上黎飲完湯再等佢到起碼20分鐘
牛柳煎大蝦牛油汁配飯-----order medium rare, 點知嚟到八九成都有, 冇晒肉味, 牛油汁係好香, 但始終係油嚟好漏, 好難夾飯, 仲要連埋個煎到乾爭爭嘅肉, 第一次見朋友食剩飯, 佢係飯筒嚟, 而且份量又唔係多添....又一失望!
再嚟甜品
呢度窩夫好味就係人都知, 而跟餐甜品亦都好簡單, 窩夫+雪糕球, 萬萬估唔到連呢個都出事, 支叉篤落件餅時, 竟然碎開咗兼d碎飛到成檯, 冇咗3份一, 點解乾到咁???外脆內軟熱辣辣嘅窩夫去咗邊???免為其難用雪糕整軟佢, 可以容易d食, 但已經唔係我想要嘅情境, 仲食到我成身餅碎, 唯一可讚係朋友個菠蘿雪糕有d大粒嘅肉係度, 但都不值加番分俾佢
最後餐飲
凍咖啡同熱朱古力-----經過前面嘅經歷, 個人已經謝咗一半, 杯雖美但心情已欠奉, 只知擺得落口, 冇閒情慢慢品嘗, 一餐飯食食吹吹order已用了很多時間, 坐到人也累透.....
說實話自己仍會俾機會去試, 但唔會短期內.....俾錢時好似俾人打劫咁....
仲之只可講句, 都唔知佢攪乜鬼, 下次唔食餐散叫會唔會好d, 定係揀錯咗日子嚟, 避一避d大時大節係咪會好d呢
张贴
