吞POT 雞煲火鍋.住家菜

营业中

休息中

原本约左一行四人去吞pot点知2个甩底，不过就算净得2个人都无减我地去吞pot既意欲！23楼大玻璃夜晚望住楼景应觉都好开扬。吞pot都要舒适d。一坐低职员好快就比左d酱料我地，都几齐全。得2个人既关系我地叫得唔多野，半只鸡煲，一份乌冬，一份牛柳，一份响铃再追加半份爆芝响铃差d饱到食唔落。一打开盖阵香味喷上块面度鸡煲d酱好香浓，炒到好有镬气，但d鸡件系好滑岩岩好熟咁。点左中辣，不过都唔算好辣，系有d香辣咁，下次试下食大辣先。食完个鸡煲都饱左大半，但我地都坚持要点打边炉必叫既牛肉响铃同埋乌冬！牛柳粒半肥瘦脂肪均匀好有肉味，正！！即制响铃啱啱炸起劲香脆，而且劲大旧，呢度6件就成个煲咁高。响铃太正我地就追加食埋爆芝响铃，好彩可以半份咁样叫，如果唔系实食唔晒。芝士味好重👍🏻乌冬分量多，唔系正方型size 果d。