地方幾好, 唔算好大或好細, 只係樓底唔算好高. 我到達時係12點, 當時冇咩人, 但個服務員同我講話要我一點三交枱, 我心唸咁早.
我地叫咗鳳爪, 蝦餃, 排骨, 叉燒腸, 珍珠雞和黑松露帶子餃. 除了叉燒腸皮比較厚, 其他都幾好味, 特別係鳳爪, 我地仲叫多一碟. 整體來說點心係好OK, 味精可以接受. 但茶就唔掂, 水唔夠熱, 茶葉少少, 沖出來既茶.......... 唔掂囉.
我妹JOIN了他們做會員, 飲茶可以有七折, 結果埋單折後係接近四百, 我地四個人, 其實有點貴囉.
不過果區少有咁靜和舒服既會所/茶樓. 到我地1點半走時, 已經係全滿.
