影片
更多
2022-06-29
110 浏览
超級靚嘅中菜廳M馬（容）！餐廳位於Tower 535嘅25樓，可以望到無敵大海景，裝潢華麗有氣派，到處都擺咗潮人熱捧嘅Be@rbricks同Kaws Figures，甚有型格！最誇張係呢度連cushion都係用Hermes，好奢華！呢度有幾間VIP房，有海景襯托，可以包場一班朋友食飯同唱K，甚至商務見客都好得體！我呢晚星期五同朋友兩個去，見到差唔多間間VIP房都full 咗，好旺場！我雖然唔係坐VIP房，但用餐環境一樣好靚！晚市精選套餐（$1280/2位）冰鎮南非鮑魚 柚子蜜餞南瓜片鮑魚軟腍爽彈，食落有淡淡麻辣香，刺激味蕾，好開胃嘅前菜！柚子蜜餞南瓜片好有驚喜，開頭以為係糖醋魚，食落先知係南瓜片，哈哈！南瓜炸漿薄脆，外皮沾滿柚子蜜，同南瓜本身嘅香甜好夾！金湯蟹肉燴燕窩燕窩好足料，真材實料，配上慷慨嘅蟹肉絲及鮮甜嘅高湯，鮮味十足，好正！XO醬爆斑球玉帶斑球口感紮實彈牙，帶子厚肉軟嫩，同XO醬一齊炒，更添惹味！蘆筍都幼嫩無渣，入口清甜！上湯焗澳洲開邊龍蝦（南瓜麵底）每人都有半邊龍蝦，好誇張！龍蝦用料新鮮，爽口彈牙，充滿鮮味。個上湯係highlight，南瓜麵掛滿湯汁，每啖都充滿龍蝦鮮香，難
呢度有幾間VIP房，有海景襯托，可以包場一班朋友食飯同唱K，甚至商務見客都好得體！我呢晚星期五同朋友兩個去，見到差唔多間間VIP房都full 咗，好旺場！我雖然唔係坐VIP房，但用餐環境一樣好靚！
晚市精選套餐（$1280/2位）
冰鎮南非鮑魚 柚子蜜餞南瓜片
鮑魚軟腍爽彈，食落有淡淡麻辣香，刺激味蕾，好開胃嘅前菜！柚子蜜餞南瓜片好有驚喜，開頭以為係糖醋魚，食落先知係南瓜片，哈哈！南瓜炸漿薄脆，外皮沾滿柚子蜜，同南瓜本身嘅香甜好夾！
金湯蟹肉燴燕窩
燕窩好足料，真材實料，配上慷慨嘅蟹肉絲及鮮甜嘅高湯，鮮味十足，好正！
XO醬爆斑球玉帶
斑球口感紮實彈牙，帶子厚肉軟嫩，同XO醬一齊炒，更添惹味！蘆筍都幼嫩無渣，入口清甜！
上湯焗澳洲開邊龍蝦（南瓜麵底）
每人都有半邊龍蝦，好誇張！龍蝦用料新鮮，爽口彈牙，充滿鮮味。個上湯係highlight，南瓜麵掛滿湯汁，每啖都充滿龍蝦鮮香，難得嘅係南瓜麵冇浸淋到，食落仲保留幼滑彈牙嘅口感！
蟹粉扒有機菜蔬
蟹粉蟹肉都好足料，每一口都帶出蟹粉嘅甘香，加埋絲絲蟹肉，食落增添口感。有機白菜都特別清甜，簡單嘅一道菜，但食得出好有誠意！
龍蝦湯金銀泡飯
呢個龍蝦湯又係好濃郁，泡飯吸收龍蝦嘅鮮甜，實在好味！可惜食到呢度已經好飽好飽，食唔晒D飯，唯有淨係飲晒D湯同食哂D龍蝦肉，唔好浪費！
香芒鮮奶酪
甜品果然係另一個胃，或者話餐廳安排用呢道香芒鮮奶酪作結係非常聰明之選。奶酪口感紮實，奶香突出，面頭鋪滿新鮮芒果蓉，香甜清新！
食完完全明白點解餐廳咁旺場！食物質素高，對得住價錢，服務又殷切有禮。雖然呢晚服務員好忙碌，但佢哋全程都笑容滿面，又有不時留意客人需要。環境亦無得輸，除咗室內之外，餐廳仲有一個隱藏景點可以睇到銅鑼灣夜景！晚飯後出咗去坐咗陣睇夜景，真係好舒服，服務員話佢哋而家申請緊酒牌，希望快D成事啦，呢個景色真係好啱配杯酒呀！
张贴
