太平館餐廳

8年前朋友請客第一次步入太平館，被佢既超巨大梳乎厘吸引！
今日心血來潮再次向呢度共進晚餐，呢間餐廳擁有過百年歷史，但依然屹立不倒，自有佢既原因，好老實講食物其實不過不失，好多新餐廳無論向環境裝修、食物質素、性價比都比呢到好，但太平館往往比人一種懷舊既感覺，小編無特別去搜尋佢哋既歷史，但相信想當年向香港會係一間「高級餐廳」，直到現今佢地都依然保留佢地既特色
由接聽電話果一位侍應開始，都流露出年代感，
係一位上左年紀既嬸嬸接聽，到食飯既時候，所有侍應都著住整齊既西服，官仔骨骨咁既款，相信佢地向呢度工作左有超過十年以上
今日小編2個人叫左5樣佢地既特色菜式，埋單$765，總括黎講，黎太平館食既係一份情懷，值得推薦既一間餐廳

第一款焗蟹蓋，外面鬆脆，內裡蟹肉非常足料，食落味道唔錯，係意料之內既味道，平時中意食蟹蓋既朋友可以一試

2

呢個燒豬髀小編好中意食，主要係因為佢醃得好入味，而豬髀又切得薄薄一片，肥瘦適中，配埋佢地既特製燒汁真係好正！中意食豬肉既朋友一定要試吓👍

呢個葡國雞飯雖然佢地話係招牌菜之一，但係今日食既5樣菜式入面最失望既一道菜，首先佢既葡汁好淡味，無果種香濃既感覺，上面淋既椰汁都一樣唔夠椰香，唯一一樣好就係雞肉夠滑，只係唔夠入味，中意食葡國雞既朋友可能會失望

招牌菜之一，瑞士汁整得幾好味，而且非常入味，如果再加多少少香料味向層次方面會更豐富，性價比雖然有點低，但值得一試的

呢個超特大梳乎厘係必點甜品，相信每個入到太平館既人都會想試，2個人完全食唔哂，用黎打卡都已經夠哂開心，味道唔太甜，入面有軟棉棉既口感，由於佢係即叫即做，要等30分鐘，所以想食既朋友記得提前同侍應講喔

1