大榮華圍村菜 (已結業)

呢間超級名店，唔使多講la..响舊店食過多次，水準唔算特別突出，勝在夠平，抵佢發ge...新舖依舊人山人海，同太太去到，五點半都有二三十人等緊，太誇嘞...好在只有兩口子，出奇地快有位...基本上咁大個場只有三四張兩人枱，其他全部係大枱。置身其中，食住粗菜，忽然覺得有D好romantic嘅feel (奇怪)一坐低即叫豬油撈飯。水準依然，靚絲苗米加上豬油及頭抽，熱辣辣，吃得不知人間何世...太太點名要食嘅蠔砵，蛋味濃，加上粉絲，直頭係送飯嘅老友記；可惜蠔仔唔夠多，少咗D鮮味...雖然呢度嘅小菜經常轉款式，但一見到有炒長遠，就如見老友一般，要叫一碟懷舊一下。查實只係拆蟹肉炒粉絲，有乜特別? 勝在夠"清"，粉絲炒得夠乾身，功架十足...嚟到唔叫蒸烏頭點掂? 簡簡單單豉汁蒸，黃油夠足，但揾唔到魚扣，好失望。呢碟水準雖比舊舖遜色，但已係不可多得...埋尾嘅紅豆沙煲到起晒沙，完美....一人都唔使一舊水，大家唔好咁挑剔la。況且食物水準仍然冇明顯下降...收貨la..