蜜蜜見 (已結業)

今次叫咗四樣野，榛子醬可麗餅 雙色薯條 同 辣肉腸意粉 同 一杯白牛，驚喜既係四樣野都唔差。咁就跟佢黎餐既次序講啦～首先黎既係辣肉腸意粉［8/10］意粉偏酸幾開胃，辣度岩岩好，讚既係以前食啲意粉成日嫌佢唔夠汁或者好淡味，今次又夠味夠晒汁👍🏻白牛［8/10］係雪碧溝雲呢拿雪糕，特飲黎跟個主食加五蚊就有幾抵飲，本人比較大飲，略嫌唔夠大杯，不過係正常size唔洗擔心太細杯。榛子醬可麗餅［7.5/10］驚喜既係佢連埋啲碎一齊食好正，偏甜唔會過火，會跟一球雪糕，試左朱古力同雲呢拿同個可麗餅都幾夾。雙色薯條［7/10］薯條+蕃薯條既組合，薯條幾好食，不過蕃薯條就比較普通，如果早啲上餐會開心啲，因為岩岩炸起太熱啦。