德運豬扒車仔麵 (已結業)

✨麻辣手撕雞肥牛撈麵$42上枱賣相都幾吸引，見到成兜紅色以為好難食落又唔算辣🫣不過麻香味濃😍手撕雞不算辣，有麻味，幾好肥牛鹹度適中，冇乜雪味😚最欣賞嘅係肥牛唔會太多肥肉。啲餸都OK，衰在個汁🥲所謂嘅汁我只食到成口麻辣油😩想撈埋佢都唔掂啊！勁多辣油🫠最後忍唔住想叫佢換過個麵俾我。個廚師竟然同我講麻辣就係咁！我同佢講都冇理由成兜都係油！佢諗咗諗話係辣油加牛腩汁。我叫嘅明明係撈麵。真係接近成個湯麵咁。汁有成半碗？點撈？好無奈最後倒減啲油加啲清湯變麻辣湯麵食🙄評分:6/10✨光速三寶麵$38抵食之選。有廚師腸、蘿蔔同雞中翼。評分:7/10✨炸豬扒牛肚車仔麵即炸熱辣辣😍好味又煙韌點車仔麵配炸豬扒嘅話有3塊豬扒 值得一試評分:8.5/10📝整體而言:除咗個撈汁，其他野味道都正常。另外個人手畫單的餐單指示都有啲唔清晰，冇寫車仔麵餐幾錢，只係寫加餸要加幾錢。另外有啲餐紙冇得畫的餐，老闆娘叫我地照圈，結果個員工又話我地圈得吾店，最低消費要2餸一麵。到最後我哋指左個餐牌俾佢睇，佢先話OK可以落😵‍💫😵‍💫。