六喜見 (已結業)

收工後同朋友約左係旺角行街，行完出來見到尼間裝飾幾溫暖的小店，看過菜單特別好奇海參花的味道，就入去坐低。點佐海參花，仲有蟹餅、蠔餅都好吸引。仲點佐手工豬肉丸撈麵同豬手撈麵。海參花個樣好特別，味道清淡帶鮮味，只是用左少少醬汁吊出鮮味，鍾意食辣的可以加辣椒油更好味。蟹餅蟹肉好多，碎蟹肉夾在其中，味道帶咸鮮味，食得出是真材實料。蠔餅的🦪都好多，裹著麵粉炸得脆卜卜，又唔覺得油膩，好快就食噻。尼間舖應該是主打賣麵，麵的種類很多且都賣相吸引。豬腳薑拌麵先上，豬腳超多，都燉得軟嫩入味，酸酸甜甜好開胃。麵是幼面，醬汁加左豬腳薑的甜酸醬汁，食落唔乾。撈麵都配有湯，飲得出冇加味精。最後仲送左我哋一碟涼拌皮蛋，豉油好香，抵讚。