螢火蟲小食

营业中

休息中

之前朋友介紹呢間撈麵，但上次黎到冇開門食唔到，今日經過見佢有開，終於有幸一試。 由於上次係度食過另一間既撈麵，感覺係比死更難受。啲面條粉粉地又淋，仲要個係啲麵係唔熱，食到碗底係有啲撈麵水，啲水多到見唔到發泡膠碗底。 至於係邊間，就廢事開名，人地都要做生意。至於呢間螢光蟲，個賣相係咁既。 呢個撈麵賣相ok，佢撈得好均衡，唔會太咸或冇味，又唔會太乾身又唔會好水。 雖然佢價錢較其他舖貴($7細撈,$11大撈)，但佢受歡迎程度遠比其他舖，有唔少捧場客，而且老闆同食客關係唔錯，老闆好友善，有人情味。