千海水產海鮮火鍋放題

見而家興撈海鮮邊爐放題就去試一試旺角新開呢一間。

感覺係幾新鮮嘅，同埋都乾淨。啲海鮮撈完比職員幫手清洗一下，然後就會俾返我哋拎返去位度自己煮。

大頭蝦同普通草蝦都好生猛，蝦膏超多超正。蜆肉就一般同埋有啲腥個人建議唔好放太多。鮑魚都抵食爽口彈牙，自己調咗個靚嘅混醬，可以瘋狂食鮑魚。

潮汕牛肉極力推薦，好似仲有隻叫日本A5牛都OK，其他熟食選擇都多，正常邊爐放題料諗到都有，連嘢飲都抌本，啤酒清酒雪糕Häagen-Dazs。

除咗啲錢真係有少少美中不足，整體感覺都正同埋好玩，見到啲蝦彈吓彈吓咁。