撈喜 (已結業)

東大街美食多籮籮，媽媽早前話想食呢間餐廳，放假就做乖乖女帶她來午餐啦。13:30來到唔算太多人，食物出得好快，返枱都好快。招牌花膠撈蝦籽麵配油菜都只係$68花膠柔軟易咬開，撈麵爽口彈牙，多汁美味，還有冬菇同西蘭花做伴菜，午市套餐黎講都幾抵！加$10可以有杞子桂圓茶，冷熱皆可杞子明目抗衰老滋補，龍眼肉補血安神，我同媽媽當然叫返杯熱既飲下，飲完都好訓d！香煎鹿兒島牛柳粒$48牛柳粒大小適中，亦唔會太熟而韌，芥末醬豐富左牛既味道，好食！蜜椒雞中翼$28至鍾意食雞翼，黑椒有小小嗆鼻不過好香，加左蜜糖調和返嗆鼻既味道，雞翼大隻多肉亦好嫩滑，滋味小食必定要選這個！